Fai 41 anos (no verán de 1970) nace de xeito oficial en Galicia o primeiro establecemento con orientación ao turismo-rural. Establécese nun dos lugares máis periféricos e inaccesibeis do país pola súas características topográficas, na serra dos Ancares, área montañosa limítrofe coa comarca do Bierzo ao NO de León e coas elevación do extremo SO da coordilleira cantábrica asturiana. No concello de Cervantes, a 1350 metros sobre o nivel do mar na chamada “campa de Fieiró” moi preto da pequena aldea de Degrada.
O albergue de Ancares.
Son varios anos de historia para o primeiro establecemento de turismo rural de Galicia, e por suposto dos Ancares, e un dos primeiras políticas con orientación á explotación turística dos espazos rurais, políticas que mudarán de forma radical as actividades tradicionais que existían nestes espazos dende épocas romanas e prerromanas.
O albergue supón xa unha importante parte na historia máis recente da comarca dos Ancares. Os fins orixinais da súa creación, a evolución e a adaptación a novas tendencias ao longo de catro décadas, os numerosos problemas de xestión que provocaron reiteradamente o seu peche dende os últimos 10 anos, o presente e o futuro dun establecemento histórico coma este será obxecto de análise nas próximas entradas do blog.
Búscamos correlacionar as distintas etapas vitais que experimentou dende os anos 70 ate a actualidade, e ver se é posible ou acertado facer un símil coa realidade vital que experimentou globalmente ao mesmo tempo o entorno rural no que se asenta, os Ancares.
A abril do ano 2011, o Albergue de Ancares segue ofrecendo os seus servizos a todos aqueles visitantes que queiran descubrir, desfrutar, coñecer e vivir o lugar, pero, ten asegurado a curto ou medio prazo a súa existencia? E difícil sabelo, intentaremos expoñer a realidade na que se encontra e poder obter conclusións futuras. Establecendo o símil, cabe analizar dende unha perspectiva global as mesmas posibilidades de futuro demográfico, sociocultural e socioeconómico para unha área rural de montaña galega, así o faremos.
A continuación, adxúntase o enlace dun artigo de hemeroteca do ano 1965 que fai alusión á costrución dun establecemento turístico na serra de Ancares:
http://hemeroteca.abc.es/detalle.stm
A continuación, adxúntase o enlace dun artigo de hemeroteca do ano 1965 que fai alusión á costrución dun establecemento turístico na serra de Ancares:
http://hemeroteca.abc.es/detalle.stm
